تفاصيل
اولا
تخلي بالك لو شقتك تصميمها مودرن
يبقي النجف مودرن
ولو الشقة كلاسيك يبقي النجف استيل او كلاسيك
بلاش كوكتيل مبيبقاش حلو والله
ثانيا
لما تيجي تختار نجفة لغرفة لازم تحط في دماغك
ان في مصادر اضاءة تانية ولا مفيش
زي الاسبوت لايت والاباليك وبيت النور
لان لو مفيش والغرفة معتمدة علي النجفة فقط
يبقي لازم تختار نجفة اضاءتها مباشرة
ثالثا
اختيارك لموديل النجفة
بيتحكم فيه ارتفاع السقف عندك
يعني مينفعش يبقي عندك سقف ساقط والارتفاع منخفض وتروح تشتري نجفة طويلة
خلي بالك من البطيخة سوري قصدي راسك لتخبط فيها
يبقي لو السقف منخفض لازم تختار نجفة لاطش
رابعا
لازم تبقي عارف مساحة كل غرفة عند اختيارك للنجف
يعني لو الغرفة مساحتها كبيرة
مينفعش تختار نجفة ٥لمبة بس
لان اضائتها هتبقي ضعيفة
وتبقي عارف هتختار نجفة كام لمبة
وكمان ممكن تزود اضاءة
زى لمبدير او ابليك او اباجورة او حتي كشاف نور
واختار اللمبة الوات بتاعها عالي سواء ليد او موفرة هتفرق معاك ف الاضاءة جدا
خامسا
الاضاءة البيضاء في النجف الكلاسيك مينفعش والله ارجوووووك ارجووووك بلاش
لانها بضيع قيمة النجفة
الكريستال بيظهر لمعته في الاضاءة الصفرة
عاوز اضاءة بيضة يبقي اختار الديزاين المودرن والنجف السلفر
سادسا
عند اختيارك للنجف اهتم بالجودة جدا جدا
وخلى بالك من النجف الشعبي
لان جودة الطلى والكهرباء بتاعتها رضيئة ومشاكلها كتير
النجف روح المكان وبتزود قيمته
حتي وبعد فترة طويلة بالصيانة النجفة هترجع جديدة
Add a review